Pagtakas

Bukas...
Lalayo tayo,
sa nakalipas.

Bukas...
Pagsapit ng ala-singko,
Tatakbo tayo.
Tatakas.


Bukas...
Lilipad tayo palayo ng Ortigas.
Mamamasyal sa Stop-and-Shop.
At bukas,
Sa tuktok ng pinakamataas
na billboard sa Edsa -
Doon tayo magpapalipas ng oras.
Magkayakap.


Bukas...
Magliliyab ang ating bakas.
Mag-aapoy muli -
ang na-abo nating pangarap.
At bukas,
Sa ating pagtakas,
mapapapikit ang lahat.
Mapapaisip - kung paano tayo
nakatawid ng Crossing.

Bukas...
ang walang katapusang
pagtakas.