Lunes, Abril 5, 2010

Ang Umasa Sa Wala





hindi ako nakakalipad,
bali-bali ang aking pakpak.
nakasiksik sa masikip na hawla.
wag mo sana akong tanungin 
kung ako ba ay nakakahinga.


hindi ako nakakabasa,
tanging ekes ang alam na letra.
tinuring na asawa numero sa mga tala.
wag mo sana akong tanungin
kung bakit sa wala ako umaasa.


hindi ako naluluha,
matagal nang dehydrated aking mga mata. 
kakaiyak sa di matapos-tapos na hirap.
wag mo sana akong tanungin
kung bakit nabulag ako sa pangarap.


hindi ako nagugutom,
nagdyedyeta lang ang aking sikmura.
naitaya ko na lahat pati kaluluwa.
wag mo sana akong tanungin
kung anong numero aking itinaya.

Walang komento:

Mag-post ng isang Komento