Usok at Apoy

Usok
Lumilipad sa hangin
sumasayaw
sa alon ng luha
at hinagpis.

Isang panandalian
hugis sa langit
Nakikiapid -
sa lasa ng pait.

Nagbabagang yosi,
sa usok nagsasabi:
Tatamis din ang pait
sasarap din ang sakit.
Lahat ay kusang
mabubuo,
dadaloy,
maglalaho,
iinit,
lalamig,
matutunaw,
magsasama at
magpapaalam.

Tulad ng hugis sa panaginip
Tulad ng pag-ibig sa puson at bibig.